حمادة عبد اللطيف ينتقد لاعبي الزمالك.. لماذا هذا الدلال؟

شن حمادة عبد اللطيف، نجم الزمالك الأسبق، هجومًا لاذعًا على لاعبي الفريق الأول لكرة القدم بالنادي، معبرًا عن استيائه من تراجع الأداء والنتائج في الفترة الأخيرة، خاصة مع استمرار معاناة الفريق في مرحلة التتويج بالدوري.

سقوط الزمالك أمام بيراميدز

تعرض الزمالك لخسارة بهدف نظيف أمام بيراميدز، حيث سجل الجناح الطائر إبراهيم عادل الهدف بعد خطأ كبير من محمد عواد.

حمادة عبد اللطيف: اللاعيبة دي متدلعة على إيه؟!

وفي تصريحات تليفزيونية عبر قناة الزمالك، قال: «شكلنا بقى وحش، مش كل ماتش نبقى في حرقة دم وحرقة أعصاب، لو مش عارف قيمة نادي الزمالك امشي».

انتقد عبد اللطيف بشدة بعض اللاعبين الجدد في صفوف الفريق: «فيه لعيبة معرفش مين الناس دي، اشتروها إزاي؟ جابوها منين؟ دي مش لعيبة خالص».

وطالب بإجراء تغييرات جذرية داخل الفريق في الموسم المقبل: «السنة الجاية لازم تطوير، لازم تشتري لعيبة كويسة وتجيب مدير فني على أعلى مستوى».

وأضاف نجم الزمالك الأسبق: «اللعيبة دي متدلعة على إيه؟! هو أنت بتجيبلي بطولات؟ ولا بتؤدي؟ ولا حتى بتكسب؟ بتنزلوا تتمشوا في الملعب كأنكم واخدين بطولتين تلاتة».

واختتم عبد اللطيف تصريحاته بمطالبة الإدارة بإعادة النظر في سياسة الاعتماد على بعض اللاعبين، مؤكدًا: «الوضع من سيئ لأسوأ، ولازم وقفة، ما دام كده كده بتخسر، اطلع ناشئين يا عم، يمكن يغيروا شكل الفريق».