أدعو الله يوميًا وأسأله لماذا جعلني أحب الفن؟

في لقاء مؤثر عبر برنامج “قعدة ستات” مع الإعلامية مروة صبري، تحدثت الفنانة مروة عبد المنعم بعفوية عن مشاعرها تجاه مشوارها الفني، مشيرةً إلى معاناتها بسبب غياب الفرص التمثيلية، على الرغم من حبها الكبير للفن.

قالت مروة خلال اللقاء:

من نفس التصنيف: مايا دياب تأسر الجمهور بحفل غنائي مذهل في تركيا في 28 يونيو

“أنا بتكلم مع ربنا وبقوله: يا رب، نفسي أشتغل، طيب ليه حببتني في الفن؟ ما أنت اللي إديتني الموهبة دي، طيب لو مش عايزني أشتغل أنا راضية، مش معترضة على حكمك، بس نفسي أمثل… إديني دليل أستنى ولا أغير المجال؟”

وأضافت: “أنا بحب لما أدعي أتكلم مع ربنا… بحس إني قريبة منه”

كما تحدثت عن صراعها مع الأرق والقلق، قائلة:

“أنا بفكر كتير جدًا، متوترة على طول، ومش بنام، حتى لما باخد منوم، بصحى بعد ساعتين، بشتغل كتير في اليوم، بس دايمًا في حالة قلق داخلي”.

وتشارك الفنانة مروة عبد المنعم حاليًا في مسلسل “بقينا اتنين”، الذي يُعرض في 15 حلقة، ويجمعها بكوكبة من النجوم منهم شريف منير، رانيا يوسف، وميمي جمال، وتدور أحداث المسلسل في إطار اجتماعي لايت حول زوجين يمتلكان شركة دعاية وإعلان، وتنتهي علاقتهما بالطلاق، وتستعرض الأحداث تداعيات الانفصال وتأثيراته النفسية.

المسلسل من تأليف أماني التونسي، إخراج طارق رفعت، وإنتاج كريم أبو ذكري بالتعاون مع الشركة المتحدة للخدمات الإعلامية.

مروة عبد المنعم تتعرض إلى النصب

كما كشفت مروة عبد المنعم عن تفاصيل تعرضها للنصب من مهندس ديكور، قائلة: كنت عايشة في شقة إيجار وكان لازم أمشي خلال شهرين علشان رفعوا الإيجار أوي، وكان عندي شقة على المحارة ومكنش معايا فلوس أخلصها، وكان في مهندس ديكور عاملي حاجات غلط جبت مهندس غيره وقولته الغلط ده نشيله

مروة عبد المنعم تروي تفاصيل عملية النصب

وأوضحت مروة عبد المنعم: مكنش معايا غير مبلغ صغير وقولتله كل ما تشتغل هديلك فلوس، هو اشتغل على الغلط والفلوس اللي خدها محاسبش الصنايعية ومعمليش حتى الأبواب، وقعدت في شقة من غير سقف ولا باب، وكنت بقولهم أنا عايزة أعيش، ولقيت في مبلغ كبير أوي عليا واضطريت آخد قرض علشان أسدد

شوف كمان: بشري وزوجها يتألقان على السجادة الحمراء في مهرجان الإسكندرية للفيلم القصير

مروة عبد المنعم: معنديش راجل اتسند عليه

واستكملت مروة عبد المنعم: أنا معنديش راجل اتسند عليه، واللي عندي هيخاف أقوله أنا عايزة فلوس، والناس خبطت عليا قالولي الحمام بينقط قولتلهم قسما بالله ما هعمل حاجة، حسبي الله ونعم الوكيل، عشان شايفين أني لوحدي مفيش حد هيقدر عليهم