دنيا سامي ترد بقوة على منتقدي مصطفى غريب بعد ظهورها في حلقة صاحبة السعادة

ردت الفنانة دنيا سامي على مهاجمي الفنان مصطفى غريب، وذلك بعد تصريحاتها في برنامج “صاحبة السعادة”، حيث نشرت دنيا مجموعة من الصور التي تجمعها بالفنان عبر صفحتها الرسمية على “فيسبوك” وأرفقتها بتعليق: بالنسبة للبوستات المنتشرة اللي تشير لحلقتي مع أستاذة إسعاد يونس، أنا بقول فيها إن مصطفى غريب بيتريق عليا وبيقول عليا وحشة، وده طبعًا جاب لمصطفى الكلام والشتيمة

وأضافت: أولًا شكرًا على دفاعكوا عني، بس أنا أصلًا مش زعلانة من حاجة، وأنا ومصطفى صحاب ودفعة واحدة، وإحنا الاتنين اتمرمطنا زي بعض، وأنا كنت بحكي ده بهزار لأني عارفة إني قمر

مقال مقترح: نحن ننتج محتوى ذو جودة عالية بعيداً عن الابتذال.

وتابعت: مصطفى غريب ده أقرب وأجدع وأطيب بني آدم في حياتي وحياة كل صحابه، ولو قعدت أتكلم عليه من هنا لـ 100 سنة مش هيكفي والله، قد إيه هو ضهري في الحياة

وأوضحت دنيا سامي: اللي أنا قولته في البرنامج على اللي مصطفى بيقوله عليا ده هزار بين أي صحاب في أي شلة، وأنا الحمدلله معنديش عُقد، ومش حتى عندي عقد ومش عارفة، ومش عندي عقد هتظهر بعد كده

واختتمت: هو بجد مفيش حاجة، وأصلًا لو كملتوا باقي الحلقة مع أستاذة إسعاد هتعرفوا إننا مسكناة تريقة وتقطيع أكتر من اللي هو بيهزر فيه معايا بكتير، ولو سمحتوا محدش في الدنيا يشتم مصطفى غريب غيري

تصريحات دنيا سامي فى برنامج صاحبة السعادة

يذكر أن دنيا سامي كانت قد حلت ضيفة أمس على برنامج “صاحبة السعادة” مع الإعلامية والفنانة إسعاد يونس، ومن المواقف الطريفة التي حكت عنها دنيا سامي خلال الحلقة علاقتها القريبة بالفنان مصطفى غريب، والذي شاركها في أعمال عدة.

وقالت ضاحكة: هو الشخص الوحيد اللي لسه شايفني وحشة، مشيرة إلى أن بينهما مزاح دائم يتضمن نوعًا من “التنمر اللطيف”

شوف كمان: كريم عبد العزيز يفاجئ عصام عمر وطه دسوقي بأرقام إيرادات الأفلام الجديدة

وأكدت أن علاقتهما مبنية على الود والدعم، وأن مصطفى من أكثر الأشخاص الذين ساعدوها على التأقلم داخل الوسط الفني.

ووصفت كواليس العمل بينهما بأنها مليئة بالضحك والمرح، مما ينعكس على أدائهما المشترك في الشاشة.

وقالت: الوحيد اللي شايفني وحشة لحد النهاردة مصطفى غريب، وأصلا بيشوفني ولد

وأضافت دنيا سامي: هو متنمر طبعًا نمرة واحد، يعني لو واحدة صاحبتنا مامتها مثلًا توفت من أسبوع ورايح لها، وتخرج له يروح مشغل لها أغنية عن الأم بصوت عالي

أوضحت دنيا سامي الطريقة التي ترد بها على تعليقات مصطفى غريب قائلة: أقول لمصطفى لف وبص في المراية، يقول أنا معترف، أقول له إنت تخين، يقوللي لأ أنا مش تخين أنا جرم، متعرفيش تتنمري عليه