رد حاد من فريدة سيف النصر على مخرج ‘العتاولة’ بعد وصفها بـ ‘السامة’

الفنانة فريدة سيف النصر ردت على التصريحات التي أدلى بها المخرج أحمد خالد موسى، حيث هاجمها بعد استبعادها من مسلسل «العتاولة» ووصفها بـ«السامة». وأوضحت أن هذه التصريحات كانت صادمة لها، ولم تكن تتوقع هذا الموقف، مما دفعها للرد على ما قيل عنها والدفاع عن نفسها.

وفي منشور لها عبر حسابها الرسمي على موقع التواصل الاجتماعي «فيس بوك»، قالت فريدة سيف النصر: «ده اتبعت لي من صحافيين قالولي ردي.. ووالله العظيم قسم يتهز له سبع سموات برغم كل ما قالوه زمايلي من شكر لي من السقا لطارق في حبر سري.. لمي كساب لبني ونس وكل الشباب بلا استثناء كلام كله حب وتقدير.. في بوستات وفي برامج.. باشكرهم كلهم هدي الاتربي. نهي عابدين.. زينب العبد منه تيسير والشباب مؤمن نور كريم محسن. فاضل مين ولوحدهم والله شكروا».

وأضافت: «ولكن توصل لسامه لا طبعا ربنا مايجيبش حاجه وحشه أبدا وبالعكس أنا كنت بحبك زي فيفي مابتقول الله يكرمها بوقفتها وكلامها عنك حقيقي ماحدش يكرهك كتر خيركم وليه الحياه بسيطه وبتخلص بالراحه اللي عايز حاجه ياخدها كله بيخلص طيب يااستاذ تعالي نتفق على حاجه المسلسل نسيته من بعد مامشيت خلاص بس الزملاء والبرامج والمواقع هما اللي بيسالوا على السامه ادمنوني».

وتابعت: «بص انسي يااستاذ وجودي اصلا معاكم وانت فعلا ناسيني كا شريك اول معاكم بكل حبي ماعلينا انساني وحياة حبيبك النبي مش كل شويه مواضيع حتى نجمتك الكبيره فيفي عبده مع انجي على برضه وعملت لي مينشن أنا باشكركم من قلبي خاصة انت ويا جماعه كل الكلام على جنب وكلام المخرج القائد المحترم كوم هو الصادق أنا توكسيك أنا مشاكل مع ١٠٠ شخص أنا حد مش كويس.. تخطاني يااستاذ انساني انت صح في كل كلمه الله يكرمك».

واختتمت حديثها: «ولا تحب نقرأ فاتحه تاني أن ما حدش يجيب سيرة حد باتهامات الله اعلم بيها ورسوله والمؤمنون ربنا يكفيك شر الناس السامه اللي زيي بعد اربعين سنه اعمال ناجحه وما حدش جاله تسمم؟ كتر خيرك وحياة ولادك انسااني ونعتبر ده قفل للموضوع وانت الصح يا جماعه أنا باقول لكم هو الصح وكلامه صح خلصنا بقي».