بين الدموع.. أحمد زاهر يقدم رسالة مؤثرة لابنته ليلى بعد زفافها من هشام جمال (فيديو)

وجه رسالة مؤثرة لابنته ليلى، بعد زواجها من الفنان هشام جمال، حيث أُقيم حفل الزفاف أول أمس في منطقة الأهرامات، بحضور مجموعة من نجوم الفن.

ونشر زاهر مقطع فيديو عبر حسابه الرسمي بموقع الصور والفيديو «إنستجرام»، تضمن لقطات خلال رقصه مع ابنته في حفل الزفاف، على أنغام أغنية «بنت أبويا» للفنانة هنا يسري، في لفتة عاطفية عبّر من خلالها عن مشاعره تجاه ابنته في هذا اليوم الخاص.

مقال مقترح: حسن الرداد يتحدث عن الراحل سليمان عيد: نبيل الحلفاوي في عالم الكوميديا

وقال أحمد زاهر تعليقًا على الفيديو، الذي ظهر فيه وهو يذرف الدموع أثناء رقصه مع ابنته ليلى في حفل زفافها: «وأنا داخل أرقص معاك شفت وجهك اللي زي القمر، أجمل عروسة في الدنيا. بصيت في عينيكي وفجأة شفت شريط ذكريات من يوم ما جئت للدنيا، وأنا أول واحد شيلتك بين إيديا وشفت كل لحظة وانتي بتكبري قدامي لحد اللحظة اللي احنا بنرقص فيها مع بعض وانتي عروسة زي القمر».

شوف كمان: سالي شاهين تقدم برنامج “سيدات لكن مميزين” على منصة dmc plus

وأضاف: «وخلاص هتسيبيني وتمشي مع عريسك، حسيت بمشاعر كتير متناقضة ومختلفة، والدموع نزلت من عيني غصب عني، وحسيت إني عاوز أقولك لا متمشيش وتسيبيني وأرجع في كلامي، بس في نفس الوقت عارف إن دي أجمل لحظة في حياتك إنك اخترتي اللي بتحبيه وبيحبك».

وتابع: «بصراحة اخترتي صح، راجل محترم وبيحبك وبيقدرك، وهايشيلك جوه عنيه زي ما وعدني. مبروك يا بنت عمري، يا بنت قلبي، بحبك يا أجمل بنوتة وأجمل عروسة في الدنيا. بحبك يا ليلى».

اقرا ايضا: