رانيا فريد شوقي تسترجع ذكريات طفولتها وحب إسكندرية الذي ورثته من والدها

شاركت الفنانة رانيا فريد شوقي جمهورها ذكرياتها الجميلة في الإسكندرية، معبرة عن حبها العميق لهذه المدينة الساحرة، حيث كتبت على صفحتها الشخصية بموقع فيسبوك: “ده الشالية بتاعنا في المعمورة اسكندرية، بس زمان مكنش مقفل بالألوميتال كده كان بلكونة بستائر (اللي متعلم عليه في الصورة)، بمعنى أصح شالية فريد شوقي المعروف في المنطقة، كان إيجار قديم بمساحة تقارب 100 متر، وكان يسع من الأقارب والأحباب، ودي أحلى حاجة في المصايف، اللمة مش مهم هنام فين، الأهم معاك مين، وعلى رأي المثل البيت من غير ناس ما ينداس، كان فيه 3 غرف نوم منهم غرفة صغيرة كانت بتاعة أختي مها قبل ما تتجوز، و2 حمام وصالة وبلكونة ومطبخ له باب على السلم، والسلم ده كانت أعدتنا المفضلة مع أصحابنا من أبناء الجيران، كنا زمان الجيران كلها تعرف بعض مش زي دلوقتي، المهم الصبح كنا ننزل البحر ونرجع نتغدى، وعلى الساعة 8 نتجمع على السلم أو نروح الملاهي كوتا بارك، كنا رباعي عبير وجيلان ورشا وأنا، 4 بنات، جيلان بنت أختي الكبيرة مني ورشا بنت أختي ناهد، كنا توأم ملتصق ههههه، دايماً مع بعض، مش هدوشكم وأرغي أكتر من كده، بس لما شفت الصورة حسيت أني عايزة أحكي أحلى أيام وذكريات في حضن ودفء العيلة، الشالية ده لما بابا أخده كان متجوز طنط هدي سلطان، يعني إخواتي الكبار برضه ليهم ذكريات فيه، بابا ورثنا حب الإسكندرية”.

من نفس التصنيف: فأر مميت وزورق تحول إلى جحيم.. فيلم الرعب “Screamboat” يبدأ عرضه في السينما المصرية.

مسلسل حسبة عمري

وتألقت رانيا فريد شوقي في مسلسلها الرمضاني لعام 2025، حيث يحمل عنوان “حسبة عمري”، وشارك في بطولته كل من سيد رجب وعمرو عبد الجليل، إلى جانب نخبة من الفنانين، المسلسل من تأليف محمود عزت وإخراج مي ممدوح، وتدور أحداثه في إطار اجتماعي يناقش العلاقة بين الرجل والمرأة، مما يجعله من الأعمال الدرامية المميزة التي تناسب أذواق المشاهدين.

شوف كمان: مباراة ليفربول ضد ليستر سيتي: متابعة مباشرة لأحداث الدوري الإنجليزي